Cais am Gynigion ar gyfer Benthyg Cymru a Chaffi Trwsio Cymru - Cynhyrchu Incwm a Newid Ymddygiad

Llinell Amser

➢ Sesiwn wybodaeth ar-lein Dydd Llun 16 Hydref 1pm – 2pm

➢ Dyddiad cau ar gyfer cynigion – canol dydd dydd Llun 23 Hydref
➢ Cyfleu penderfyniad – wythnos yn dechrau ar 30 Hydref

Cais am gynigion

Mae Benthyg Cymru a Chaffi Trwsio Cymru yn gwahodd cynigion i wneud gwaith prosiect yn ymwneud â dwy flaenoriaeth strategol ar gyfer atgyweirio ac ailddefnyddio yng Nghymru: cynhyrchu incwm a newid ymddygiad.

Nodir briffiau'r prosiect isod, ynghyd â chefndir y ddau sefydliad. Mae'r ddau sefydliad yn cydweithio'n agos ac mae gorgyffwrdd sylweddol rhwng y ffrydiau gwaith. Fodd bynnag, mae gwahaniaethau hefyd yn strwythurau a gweithrediadau'r sefydliadau a fydd yn dylanwadu ar y prosiectau a'r canlyniadau. Yn ogystal, mae'r cyllidebau a'r amserlenni'n amrywio'n sylweddol gan y bydd Benthyg Cymru yn recriwtio dau rôl staff newydd i gyflawni'r cynlluniau gwaith a grëwyd gan y prosiectau hyn, tra bod Repair Café Wales yn chwilio am ymgynghorwyr sy'n gallu cael mwy o ymwneud uniongyrchol â dylunio a chyflawni'r gwaith.

Gwahoddir ymgynghorwyr sy'n dymuno cyflwyno cynnig ar gyfer y prosiectau hyn i fynychu sesiwn wybodaeth ar-lein ddydd Llun 16 Hydref 1-2pm. Os hoffech fynychu'r sesiwn hon, e-bostiwch phoebe@repaircafewales.org i gael mynediad i'r ddolen Zoom.

Rhaid cyflwyno cynigion erbyn canol dydd, dydd Llun 23 Hydref. Gall y cleientiaid ofyn am ragor o fanylion i gynorthwyo yn eu hasesiadau a byddant yn cyfathrebu eu penderfyniad erbyn 30 Hydref.

Derbynnir cynigion ar gyfer prosiectau unigol neu weithgaredd cyfun i gyflawni'r canlyniadau ar draws yr holl brosiectau ar gyfer y ddau sefydliad. Mae'r gyllideb a'r amserlenni yn amodol ar adolygiad a thrafodaeth bosibl.

Bydd cynigion yn cael eu sgorio ar sail cyfuniad o ddangos dealltwriaeth dda o'r briff, darparu gwerth am arian a chyflawni o fewn yr amserlenni gofynnol.